employee training 27

کاروبار میں تربیت اور ٹریننگ کے اخراجات

متعدد کاروباری ادارے اور تنظیمیں کارکردگی کوبہتربنانے، مہارت و صلاحیت میں اضافے، کام  میں دلچسپی کوبڑھانے اوروقت کے ضیا ع کو روکنے کے لئے اپنے ملازمین کی ٹریننگ پے بہت پیسہ خرچ کرتی ہیں۔ ظاہر ہے انہیں یہ یقینی بنانا ہوتا ہے کہ ٹریننگ منصوبے سے حاصل ہونے والا فائدہ اس سلسلے میں کیے جانے والے اخراجات سے زیادہ ہونا چاہے. یعنی ریٹرن آن انویسٹمنٹ (ROI) کا تخمینہ درست ہونا چاہے. 

کمپنیاں اور ادارے اپنے اعلی افسران ، ملازمین ، صارفین اور یہاں تک کہ سپلائرز کو تربیت فراہم کرتی ہیں۔ یہ بیرونی تربیتی فرموں یا اندرونی تربیت کے شعبے یا دونوں کے امتزاج کے ذریعہ کیا جاتا ہے۔ تربیتی اخراجات میں تربیت دہندگان کی ادائیگی ، کام کے وقت کے شرکاء کی ادائیگی، سفر اور رہائش کے اخراجات شامل ہیں۔

آرٹیکل: کاروبار میں لاگت اور اخراجات کو کم کرنے کے 10 طریقے

مینیجرز اور ملازمین کو تربیتی سیشنوں میں شرکت کے لئے اپنے کام کے اوقات کو چھوڑنا پڑتا ہے۔ کمپنی نہ صرف ان کو کام کیے بغیرمعاوضہ دے رہی ہوتی ہے بلکہ اپنے ملازمین کی عدم موجودگی میں پیداوریا فروخت سے بھی محروم ہوسکتی ہے۔ مزید یہ کہ کمپنی کو تربیت کے لئے سفر اور قیام کے اخراجات کو برداشت کرنا پڑتا ہے۔

ٹریننگ ROI  کی پیمائش کرتے وقت کمپنی کو لازمی طور پر پیداواری نقصان ، آورلی یا گھنٹوں کا ریٹ ، تربیت کے اخراجات اور سرگرمی سے متعلق دیگر اخراجات کی پیمائش کرنا ضروری ہے۔ ٹریننگ ROI کی پیمائش کرنے میں ایک اہم عنصر تربیتی اہداف کی وضاحت ہے۔ اس سلسلے میں تربیت سے پہلے اور بعد میں پیدا ہونے والی آمدنی یا اخراجات کا جائزہ لینا ضروری ہے. تربیتی لاگت کے ساتھ ساتھ تربیت کے بعد پیدا ہونے والی بہتری کا موازنہ بھی ضرورکیا جانا چاہئے۔

آرٹیکل: کاروباری ادارے اور ان کی اقسام

اکثر اوقات ہوسکتا ہے کہ کسی تربیتی سیشن کے لئے مناسب اور قابل جائزہ اہداف نہ مرتب کیے جا سکیں۔ عام طور پر منیجروں اور سپروائزروں کی تربیت میں ایسا ہوتا ہے جس میں تربیت کے بعد کے نتائج کی پیمائش کرنا بہت مشکل ہوتا ہے۔ تاہم اگر تربیت کا ہدف ملازمین کی پیداوری صلاحیت کو فروغ دینا ہو توتربیت کے اثر کا تعین کرنے کے لئے پہلے اور بعد کے میٹرکس کا تعین کرنا ضروری ہے۔ صرف اسی صورت میں تربیت کے اخراجات کا آمدنی، منافع، یا بچت میں آنے والی حقیقی بہتری سے موازنہ کیا جاسکتا ہے تاکہ ٹریننگ ROI کا درست تعین کیا جاسکے۔

مثال کے طور پرسیفٹی کی تربیت کا مخصوص ہدف حادثات کی شرح کو کم کرنا ہوسکتا ہے۔ آپ اس تربیت کے اثر کو جانچنے کے لئے حادثات میں آنے والی کمی یا ان کے نتیجے میں ہونے والے نقصان میں کمی کے اعداد و شمار تیار کرسکتے ہیں اور سیفٹی یا حفاظتی تدابیرکی ٹریننگ کے ROI کی پیمائش کر سکتے ہیں. ایسے ہی جب صارفین کو تربیت دی جاتی ہے تودوسری طرف تربیت کے اثر کا تعین کرنے کا ایک اچھا طریقہ آفٹرسیلزخدمات کی کالوں یا انکوائریزکو کم کرنا ہو سکتا ہے۔ سروس کے عملے اور مرمت کی لاگت کا موازنہ صارفین کو تربیت دینے کے اخراجات سے کیا جاسکتا ہے۔ آفٹر سیلز سروس کالز کو کم کرنے کے بجاۓ اگر آپ ان سروس کالز کو آمدنی پیدا کرنے کے ایک طریقہ کے طور پر استعمال کریں گے تو یہ عام طور پر پیسہ کمانے کا ایک مختصر مدتی طریقہ ثابت ہوتا ہے۔ اگر کسی صارف کو سروس کال کرنے اور مرمت کے لئے پروڈکٹ واپس بھیجنے کی ضرورت ہو تووہ عموما دوسرے مدمقابل سے رجوع کرنے میں جلدی کرتا ہے۔ لہذا  معیاری اور صارف دوست مصنوعات صارفین کے ساتھ دہرایا جانے والا کاروبار قائم کرنے کا یقینی راستہ ثابت ہوتی ہیں.

تربیتی سرمایہ کاری تربیتی اخراجات اور ملازمین کے پیداواری کام پہ خرچ ہونے والے اوقات کی قربانی پر مشتمل ہوتی ہے۔ تربیت سے پہلے اور بعد میں آپ کے کاروبار کی آمدنی اور منافع میں حقیقی بہتری اور ان سے پیدا ہونے والے مثبت اثرات کی پیمائش کرنا اورپھر تربیت کے اخراجات سے موازنہ کرنا تربیتی سرمایہ کاری کے ROI کا تعین کرنے میں معاون ہوتا ہے۔

مزید پڑھیں

کاروبار میں اضافہ یا ترقی (گروتھ)

اپنا تبصرہ بھیجیں